கக்கூஸ் ஆவணப்படம் – உரையாடலுக்கான குறிப்பு

kakkoosஇந்த ஆவணப்படத்தினை முன்வைத்து சில விடயங்களை முக்கியமாகக் கவனப்படுத்தவேண்டும் என்று கருதுகின்றேன்.  இந்த ஆவணப்படமானது இந்தியச் சூழலை (தமிழ்நாட்டுச் சூழலை) மையமாக வைத்து உரையாடலை முன்வைக்கின்றது.  இதனைப் பார்க்கின்ற நாம் இந்தியச் சூழலில் மலம் அள்ளும் தொழிலாளர் மற்றும் சாதிய ஒடுக்குமுறைகள் என்கிற புரிதலோடு என்று படம் பார்ப்பதாகக் கடந்துபோய்விடக் கூடாது,  நாம் இவற்றை, இலங்கைச் சூழலிலும், புலம்பெயர்ந்து கனடாவில் வாழ்ந்துகொண்டிருப்பவர்கள் என்ற வகையில் கனடியச் சூழலிலும் தொடர்புபடுத்திப் பார்க்கவேண்டும்.  இது நமக்குப் புறம்பான பிரச்சனை அல்ல, இது வெவ்வேறு வடிவங்களில் ஈழத்துச்சூழலிலும், புலம்பெயர் நாடுகளிலும் செயற்பட்டுக்கொண்டிருக்கின்ற ஒடுக்குமுறை.  இந்த ஆவணப்படம் முக்கியமாக 4 விடயங்களைக் குறிப்பிடுகின்றது. அவையாவன Continue reading “கக்கூஸ் ஆவணப்படம் – உரையாடலுக்கான குறிப்பு”

Grass: A Nation’s Battle for Life (1925)

மொஹமட் சபாஷி என்பவர் என் இனிய நண்பர். கனேடிய வாழ்வில் எனக்கு என் வாசிப்பையும், எண்ணங்களையும் பார்வைகளையும் எப்போதும் பகிர்ந்துகொள்ளலாம் என்று வாய்த்த அரிதான சில நண்பர்களில் ஒருவர். இரானியர். ஆனால் அவ்வாறு சொல்வதில் விருப்பமில்லாது தன்னை பாரசீகர் என்றே அழைத்துக்கொள்பவர். சட்டென்று பார்த்தால் காந்தியாரின் தோற்றத்தில் இருப்பார். இந்தியாவில் கல்வி கற்றவர். இலங்கை முழுக்க சுற்றுப்பயணம் புரிந்தவர், இரானிய கம்யூனிஸ்ட் கட்சியின் உறுப்பினர். அதன் காரணமாக இரானை விட்டு வெளியேறியவர். இஸ்ரேலின் ஆக்கிரமிப்பிற்கெதிரான போராட்டங்கள் காரணமாக கனடாவிலும் கைதுசெய்யப்பட்டு தண்டிக்கப்பட்டவர். . என்னைப் போலவே சாப்பாட்டிலும், சமைத்தலிலும் விருப்பம் உள்ளவர். அவரது அறிமுகப்படுத்தலில் நான் பார்த்த ஒரு ஆவணப்படம். இவ் ஆவணப்படம் பற்றியும், இதைப் போன்ற பல்வேறு ஆவணப்படங்கள் பற்றியும் அறியவேண்டும் என்ற விருப்பத்தின் விழைவாக இதனை இங்கே பகிர்ந்துகொள்ளுகின்றேன்.